Dù qu’i sont Renaud

Dù qu'i sont tout's chés compagnies ed' mineurs
Qui allottent ed' sous terre faire ech' dur labeur
Au pic, à ltriv'laine, rassaquer ech' carbon
A l'abattache, au herchache, dù qu'i sont ?

Dù qu'i sont tous les mineurs du grand saquache
A l'bowette, à front ed' talle, à l'accrochache
Méneux ed' quévaux, raccommodeux, porions
Nou pères, nou hardis taïons, dis dù qu'i sont ?

Dù qu'i sont chés rires ed' chés filles à gaillettes
Oubliant leu peines pour einn'amourette
Au moulinache, ouvrant comme chés garchons
Nou lampistes et leu taillettes, dù qu'i sont ?

[Refrain]
Dù qu'i sont, i vous d'mind'ront un jour vou gosses
Les souv'nirs ed'chés gins qui allottent à l'fosse
Pus d'chevalets, pus d'terrils, et pus d'corons
'vous lamint'rez aussi, dù qu'i sont ?
Dù qu'i sont tout's chés compagnies ed' mineurs
Porions, galibots, calins, ou ingénieurs
Lampistes, filles à gaillettes, carrieux d'carbor'
Nou terrils, nos molettes, dis dù qu'i sont ?

Dù qu'i sont chés bons jonnes ed'douze tréize ans
Au fond pousseux ed' barrous, les pieds in sang
Au jour trieux ed' caillaux et d'bon carbon
Nou z'archelles ed' galibots, dù qu'i sont ?