Mathemsh - متهمش El Joker - الجوكر

[المقطع الأول]
المنبه رن لكن الهدف من الصحيان سخيف
تكملة النوم مش إختيار، المستقبل مخيف
مافيش جنب بترتاح عليه عشان سريرك حجر
مشيت ورا كل خيط وإنجازاتك رف بكر
حتى القهوة بتستناك تسرح للحظة عشان تفور
الطفل اللي خاف من الضلمة كبر، بقى يخاف من النور
أول ما بتبقى إنفراد وباقي بس تشوط
بتبدأ تسأل نفسك عن حقيقة الوجود
الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش جيت جهنم الإنتقام
قسوة العلامة إنها بتمنع رحمة النسيان
خلي نصك يسأل نصك عاد علينا إيه من جريه
مادام بنعيش نفس النهاية في آخر السيناريو
وليه بنكون أشخاص مش إحنا طول ما الضوء علينا
أدي تاني منبه رن، لا منا نمنا ولا صحينا

[اللازمة]
مافيش شيء ما تمش وكإن غيابك ما تمش
كل الناس جراحها لمت، جرحك ليه ما لمش؟
بعيد عشان متهمش ولا عشان بعيد متهمش؟
عنيك فضيت فضا جماد ما كرهش وما حبش
مافيش شيء ما تمش وكإن غيابك ما تمش
كل الناس جراحها لمت، جرحك ليه ما لمش؟
بعيد عشان متهمش ولا عشان بعيد متهمش؟
عنيك فضيت فضا جماد ما كرهش وما حبش