Better Life Quada

[Intro]
Wild Croc
Mmm hmmm
Yuh see weh mi ah seh, Atto Don?
Right now ah some different road mi deh pon
Worse mi live fi see mi madda dead inna mi hand
Yow, ah nuff time man coulda mad
Outside mi look happy, inside mi sad

[Verse 1]
Nuff time mi look inna mi life and mi feel fi siddung and cry
Mi ah come from dirt, zinc fence and ply (Doh)
Nuff bad vybz, everybody love fight
Yow Jam View, yuh ah mi bredda fi life
Tears flow from mi eye fi ah tell yuh ni-night
Cyan believe yuh drop out and yuh nuh fi tek ah flight
Friend tek yuh life inna e middle ah di night
Yow mi bredda, ah nuff ting mi still ah wul on to
Nah worry miself ah heaven unuh gone to
Anuh just di memory from wi ah play marble
Anuh just when mi see mommy haffi argue (Yeah)

[Chorus]
Long time mi ah pray fi ah better life (Dawg)
Nuh money nor fame can mek mi hype
Mi aguh smile again, mi soon happy (Yeah)
Tings aguh better pon di other side
Long time mi ah pray fi ah better life (Wellbad)
Money and fame couldn' mek mi hype
Mi aguh smile again, mi soon happy
Tings aguh better pon di other side