Ik Haat U Nie Het Zesde Metaal

G’ èt de bruggen ipgeblazen, ge kunt ‘tzelfste doen met minne zak
Ge zi’ nie’ toerekeningsvatbaar, je geweten es ip zin gemak
Hopelijk èt ’t u al gespeten da’ j’ nog nooit gezeid è dat ’t u spit
Es ’t uit sterkt’ of es ’t uit zwakt’ of es ’t uit liefhebb’rie da’ j’ gie met moze smit?
Ge zijt een juffrouw zonder klass’, ik ben nen boer, maar zonder boerderie
Ge verdient geld en veel compasse, veel respect è j’ nie’ geoogst bie mie
‘k Zoe ’t wel geiren will’n vergeten maar ik kriege ‘t niet uit minne frak
De moze da’ j’ gie è gesmeten stinkt achter al die’n tijd verdacht vele naar kak

Ge zijt de slechtste van min allerbeste maten
Wuk doe j’ gie nog in minnen ‘beste maat’-top drie?
A’ j’ gie maar wist ik kan het toch zo moeilijk laten
Ach, kun j’ gie nu toch nie’ wa’ milder zin voe mie, want ik haat u nie
Ik haat u nie
Ik haat u nie

G’ è min vuile wast’ uitg’hangen maar der zaten nog slipkes bie van gie
‘k Ben nie’ zo into souvenirs maar zukke dingen houd ‘k geiren bie
Soms moe’ j’ ip uw tanden bitten, soms moe’ j’ trachten goed doen voor mekaar
Soms moe’ je met eiers smitten, ’t skint dat da’ zoe goed zijn voor jen haar
Loop vertel maar aan uw maten van die snul da’ j’ ip zijn plekke è gezet
Der komt nen dag da’ j’ ’t nie’ kunt laten van te zeggen da’ j’ die snul in bedd’ è ghèd

Ge zijt de slechtste van min allerbeste maten
Wuk doe j’ gie nog in minnen ‘beste maat’-top drie?
A’ j’ gie maar wist – ik kan het toch zo moeilijk laten
Ach, kun j’ gie nu toch nie’ wa milder zin voe mie, want ik haat u nie
Ik haat u nie
Ik haat u nie