Rabbi Blani Bel Tassa - ربي بلاني بالطاسة Dahmane El Harrachi - دحمان الحرّاشي

"كلمات دحمان الحراشي "ربي بلاني بالطاسة
اضغط هنا لقراءة المزيد من كلمات وقصائد الشعبي الجزائري

[اللازمة : بصوت دحمان الحرّاشي]
ربي بلاني بالطاسة ، وزاد لي سهر الليل
ماعرفتش كيفاش نواسي ، ماعرفتش كيفاش ندير
حرم نومي ونعاسي واللي يعذر قال حليل

[الجزء الأول]
نشرب ونقول نزيد على رايي ، همي وزماني
والصباح نصبح مريض ، علاش عليا واش اداني
بالصديد يفنى الحديد ، هكداك السهرة تهلك ثاني
والكاس رماني بعيد ، شحال صعيب هو عراني
شوفوا الوعد وين اداني ، في بحر غامق رماني
غابوا عليا طرقاني ، والعقل راح يطير

[اللازمة]
ربي بلاني بالطاسة ، وزاد لي سهر الليل
ماعرفتش كيفاش نواسي ، ماعرفتش كيفاش ندير
حرم نومي ونعاسي واللي يعذر قال حليل

[الجزء الثاني]
نشرب ونسقي الكاس ، من بعد ما سقيتو زاد سقاني
غيرني بين الناس ، شحال جرّعت مرار جفاني
خطرات نقول خلاص ، ما نزيد ندنى بركاني
وخطرات نقطع الياس ، نقول وقيلا ما ينساني
علاش قهرني عياني ، كل يوم يذبالو اغصاني
يا لايمني ما كواني ، نشرب ونقول قليل