Da Mesh Habibi - ده مش حبيبي Sherine - شيرين

‫[كلمات أغنية "ده مش حبيبي"]

[المقطع الأول]
ده مش حبيبي، ده حد تاني
فين رقته وحنيته وخوفه عليا
فين الكلام الحلو اللي قاله ليا
ما بقتش شايفة منه إلا يا دوب ملامحه
وحتى دي ما بقتش برضه هي هي
ده مش حبيبي، ده حد تاني
عامل ملاك، الطيب الصافي البريء
واللي زمان فرشلي بالورد الطريق
ما طلعش زي ما كنت أنا شايفاه بعينيا

[اللازمة]
حبيته ليه وإزاي قدرت أعمل كده
كان عقلي فين، شكلي عملت في نفسي عملة
فاكر يا قلبي في يوم زمان أنا قلتلك
ما تحاولش تشوف حقيقة حد كاملة
ده مش حبيبي

[المقطع الثاني]
أنا حبيبي كان يبكي قبلي لو يشوف دمعة في عينيا
وكان حبيبي يتعب مكاني لو في يوم أتعب شوية
آه ده كان حبيبي يبكي قبلي لو يشوف دمعة في عينيا
آه وكان حبيبي يتعب مكاني لو في يوم أتعب شوية
أهو ده اللي روحي معاه
أما اللي أنا شايفاه
ده حد تاني
أهو ده اللي روحي معاه
أما اللي أنا وياه
ده حد تاني