Sole d’oro Claudio Villa

[Testo di "Sole d'oro"]

[Strofa 1]
Tramonta 'o sole e nun ritorna ancora
Chissà addò è gghiuta, tarda pe’ venì
Fa luce ancora, oi sole, ancora n'ora
Rischiara 'a strada pe’ falla riturnà

[Ritornello]
Oi sole d'oro
Senza Maria io me nne moro
Sona 'o rilorgio, 'na campana sente
Se 'mbroglia 'o mare e me turmenta 'o viento
Se scura l'aria, ancora addà turnà
Oi sole d’oro
Io me nne moro

[Strofa 2]
Sulagna mo s’è fatta 'sta marina
Nisciuna varca io veco ’e riturnà
S'è alluntanata 'a n'ora ’a 'sta banchina
E nu penziero mo me fa dannà

[Ritornello]
Oi sole d'oro
Senza Maria io me nne moro
Sona 'o rilorgio, 'na campana sente
Se 'mbroglia 'o mare e me turmenta 'o viento
Se scura l'aria, ancora addà turnà
Oi sole d'oro
Io me nne moro