Sentinella Ernesto De Curtis

Nuttata 'e Piererotta. Tutte dormono
'Ncopp' a 'sta cimma 'e monte cunquistato
E i' faccio 'a sentinella e sto scetato
'Nu passo, 'nu rummore. Chi va llà?

E vuje, paisane mieje, ca state a Napule
Chesta nuttata, vuje, comm' 'a passate?
Nce jate a Piererotta o nun ce jate?
Ce sta chi, 'na canzona, cantarrà?

Vurria ca 'nu signale
Facisseve 'a Pusilleco
Pe' me putè 'nfurmà
E 'n'auto, tale e quale
Pe' dirve: "Ve ringrazio"
I' ne facesse 'a ccà

Nuttata 'е Piererotta. Che silеnzio!
Pure 'e cannune mò se sò addurmute
'Na voce arriva a 'sti mmuntagne mute
Vene d' 'o mare mio pe' me chiammà

E a vuje, napulità, ca state a Napule
Ve chiamma o no, stanotte, chistu mare?
Ne tene sempe varche 'e marenare?
'Na varchijata v' 'a putite fà?