Hayastane Serj Tankian

[Տուն 1]
Հայաստանը մի երկիր է, ուր ճամփեքն են մոլորվում
Խորովածի կրակի շուրջ, ընկերներն են բոլորվում
Հայաստանը մի երկիր է, ուր աշունը ջինջ է, տաք
Ուր շողում են խաղողի մեջ գինիները անապակ
Հայաստանը մրգաստան է, այգեստան է ծիրանի
Չոր լավաշով լի մառան է, զնգուն զանգ է զնդանի։

[Կրկներգ]
Արագած, Գրիգոր, Արարատ ու Սևան
Անահիտ, Նաիրա, Զարուհի ու Շուշան
Հայաստան, Ուրարտու, Շուբրիա, Արմենիա
Արատտա, Նաիրի, Մեծ Հայք, Կիլիկիա։

[Տուն 2]
Հայաստանը յարխուշտա է, քոչարի է, հորովել
Զուռնա-դհոլ, թառ ու դուդուկ, անցյալում կորած ծովեր
Հայաստանը ինքնություն է, վառ օջախ է հայրական
Ուր տենչում ես, երբ պարտված ես, երբ կամ հերոս հաղթական
Հայաստանը ժողովուրդ է, ընտանիք է աղմկոտ
Քրոջ պսակ, եղբոր արցունք, մայրական անշեջ կարոտ
Հայաստանը Թումանյան է, Թամանյան է, Կոմիտաս
Արամ Մանուկյան, Սարյան է, Համբարձումյան է, Մինաս
Հայաստանը Տիգրան Մեծ է, Սուրբ Մաշտոց է ու Նարեկ
Պապ թագավոր, Ձենով Օհան, Խորենացի, Դավիթ Բեկ։