Weihnachtskaat vun nem Flittche vum Eijelstein The Piano Has Been Drinking

He Jächt ich bin schwanger
Un ich levve om Eijelstein
Övver nem Türke Büdche
Direck an d'r Wiggejass
Ich bin weg vum Stoff bin weg vum Schabau
Un minge Mann spillt Trompet em Strickstrump
Un arbeit bei d'r Bahn

Hä schwört mir Hä liebt mich
Obwohl dä Blaach nit vun ihm es
Hä säät Hä däät sich kümmere
Wie öm sieh eije Kind
Hä joof mir ne Ring dä Sing Mamm jedraage hät
Un jede Samsdaach nemp Hä mich mit
En Sing Stammdisko om Ring

He Jächt ich denk off an dich
Jedesmol wenn ich ene Western sinn
Wäje dinge Klamotte
Die passten immer wie en Fuuss op et Ouch
Ich hann immer noch die Plaat
Vun Frank Zappa un dänne Mothers
Ävver se hann minge Plattenspieler jekläut
He hälst du dat noch us

He Jächt ich wör fass usjeflipp
Wie se dä Mario opjeschlitz hann
Ich bin zoröck nohm Niederrhein
Öm bei minge Lück ze sinn
Ävver jede, dä ich domols kannt
Es Duut oder en d'r Klapsmüll
Dröm bin ich widder he hin
Ich jläuve dismol bliev ich do