Hindi Pa Tapos Gloc-9 (Ft. Denise Barbacena)

[Chorus 1: Denise Barbacena]
Di uusad kung lakad ay paatras
Nakakandado ang dapat na bukas
Bumangon, at nang maunawaan mo
Kung ano ang siyang ipinaglaban ko

[Verse 1: Gloc-9]
Habang panahon na lang ba tayo magtuturuan
At sa malambot na higaan ay maguunahan
Sigawan at sumabatan ng anumang kakulangan
Bago pa mapunta sa iba, teka ako naman
Sino bang may kasalanan at madumi ang mukha
Kahit busog na sa palay, nakabaon ang tuka
Paano maniniwala kung palaging sagot ay baka
Wala namang tumutugma, pero tula ng tula
Kaya minsan ba'y naisip ko na ang noon
Ay katulad din ng mga kinakaharap ngayon
Huwag magtaka kung bakit lumalabo ang tubig sa balon
Dahil hanggang ngayon ay 'di pa tapos ang rebolusyon

[Chorus 2: Denise Barbacena]
Di uusad kung lakad ay paatras
Nakakandado ang dapat na bukas
Bumangon, panindigan mo ang tugon
Dahil 'di pa tapos ang rebolusyon