Canta pe’ mme! Ernesto De Curtis

На этой странице вы найдете полный текст песни "Canta pe’ mme!" от Ernesto De Curtis. Lyrxo предлагает вам самый полный и точный текст этой композиции без лишних отвлекающих факторов. Узнайте все куплеты и припев, чтобы лучше понять любимую песню и насладиться ею в полной мере. Идеально для фанатов и всех, кто ценит качественную музыку.

Canta pe' mme stanotte ’na canzona
Tu ca sì bella e tiene 'a voce d'oro!
Cantammella stanotte e ca si moro
Moro sentenno ’na bella canzona!

Canta 'na serenata 'e marenare
C' 'a tantu tiempo nun se canta cchiù!
Mare! Stanotte quanta varche a mare!
Ma tu nun cante. Ma a che pienze tu?

Canta, ca i' t'accumpagno cu 'a chitarra!
Chisà stanotte nun se sceta ’ammore
Ll’ammore sfurtunato e cantatore
Ca niente vò: 'nu core e ’na chitarra

Canta, ca è bella Napule addurmuta
Connola d'oro pe' chi vò sunnà!
Ma tu che pienze sulitaria e muta?
Ma tu ch'aspiette ca nun vuò cantà?

E pecché chiagne si ’a nuttata è bella
E sì figliola e tiene 'a voce d'oro?
Canta pe' me, pe' me ca mme ne moro
Moro sentenno 'na canzona bella!

Canta, luntana mia, ca sì turnata
Ca sì turnata e nun te ne può ghì!
Canta, pecché te tengo 'ncatenata
Pecché tu sola mm'hê 'a vedè murì!