Hadi Haltk - هذي حالتك Phobia Isaac

[انترو]
هاذي حالتك كي حالتي في هاذ الدنيا
حنا الزواولة نعيشوها كية مور كية
سبابنا الدولة علينا معمية
الشكوى لربّي و غير ليه التحية
فناك ريكوردز...إسحاق فوبيا...هاذي حالتك...

[المقطع الأول]
خو بلادنا ما تحبش الراجل راهم ذلّوه عفسوه في الكالة
يحتمو هليك باش تبلع تاكل ، ما يحبّش لي يسير قبالة
لو كان جا بابانا واصل ما نوصلش لهاذ الحالة
في لافريك مرهون و حاصل ، من القرعة للكيف للدلالة
ترصدلي عدويا جا في ظهري ، ما يقومش أبار بالخدعة
مشيتْ بنَيْتي حفرولي قبري ، الدنيا تان صدقتلي لفعى
فقت صغير مسوّد زهري ، زدت في بلاد ما فيها نفعة
راهو بلي كوش و زاد الرابعة sans arrêt بوثف جاب 3
ما خافوا ربّي لا حساب ، ياك من التراب نولّو للتراب
يسمّيوك إرهاب hors la loi رد بالك تهدر من الكتاب ،
حبس كبير و غالقين الباب ، كلش عيب حاجة ما تنعاب
مازالك ني شايب ني شاب ، استقلال و مازال العذاب
بون بيبليك العالم قاع شاف ، رئيس طافي في كرسي معاق
سرّاق pouvoir assassin شعب مذل عفسوه كي النشاف ، هذا
لتّوكم بالفوت و الهدّاف ، و أنت الخبز لخّر مشتاق
كلام النبي و ربّي لي نظاف ، لا دستور لا دول لا ميثاق

[اللازمة]
هاذي حالتك زوالي
اللوم عليك و شكون لي سامع بيك
مسؤول خاين عليك ، حقّك نسى يعطيك
هاذي حالتك ... هاذي حالتك ... هاذي حالتك ...
هاذي حالتك وحدك قابل الليل ، مغبون توجور حزين
يمّاك بالدموع تسيل ، وقتاش حتى لوين ؟
هاذي حالتك ... هاذي حالتك ... هاذي حالتك ...