Lads o the Fair Old Blind Dogs

[Verse 1]
Come, bonnie lass, lie near me
And let the brandy cheer ye
For the road fae Fife tae Falkirk's lang
And cold and wet and weary
My trade it is the weavin
In the bonnie toun o Leven
And we'll drink a health tae the farmers' dames
Wha'll buy oor cloth the morn

[Chorus]
Ye can see them aw, the lads o the fair
Lads fae the Forth and the Carron water
Workin lads and lads wi gear
Lads wha'd sell ye the provost's daughter
Sodgers back fae the German wars
Peddlers up fae the Border
And lassies wi an eye for mair than the kye
At the trystin fair at Falkirk

[Verse 2]
Come, Georgie, haud the pony
For the path is steep and stony
And it's three lang weeks fae the Isle o Skye
And the beasts are thin and bony
We'll tak the last o the siller
And buy oorsels a gill or twa
And drink tae the lads wha'll buy oor kye
In Falkirk's toun the morn