La kanto pri Manjo Ĝanfranko

[Teksto de "La kanto pri Manjo" ft. Ĝanfranko]

[Strofo 1]
Pri Manjo diros mi la tutan veron
Ŝi falis dum printempo en riveron
Kiam la vento vidis ŝian belon
El la rivero portis ŝin sur stelon

[Strofo 2]
Sola kaj sen memoro pri malĝojo
Vi iris sen amrevo laŭ la vojo
Sed venis reĝo sen iu ajn krono
Tri fojojn li pordfrapis kun propono

[Strofo 3]
Kiel la luno blankis la ĉapelo
Kaj kiel amo ruĝis la mantelo
Kaj sekvi lin mi tuje estis preta
Samkiel kajton sekvas knabo eta

[Strofo 4]
Okuloj varme belis sub la suno
Okuloj lace belis sub la luno
Li viajn lipojn kaj hararon buŝis
Kaj per la mano vian talion tuŝis