Aylar Keçir Darcheen

[Bənd 1]
Dünya dolanır başıma boş otaqda
Ya dayanıb zaman, ya işləmir saatlar
Və döyür pəncərəmi gözləmədiyim qonaq
Narın yağış...

Bir ovuc qəm və bir neçə qədəh həsrət
Bir az sevgi və bir qədər acı nifrət
Mənim ürəyimtək qəribə kokteyl
Qarış-qarış...

[Nəqərat]
Gecələr səni aparır məndən
Yuxular səni qaytarır geri
Aylar keçir...

Gecələr səni aparır məndən
Yuxular səni qaytarır geri
İllər keçir...

[Bənd 2]
Birtərəfli təyyarə, yeni bir ölkə
İşıqlı keçmişdən gələn zəif kölgə
Mən öyrəşirəm sənsiz yeni özümə
Yavaş-yavaş...