El Korh Fe 3onoq Zogaga - الكره في عنق زجاجة El Joker - الجوكر

[المقطع الأول]
شوفيني زي ما تشوفيني عمري ما اتأثرت
مش واصل عشان مش عارف الطريق، هل ده شرط؟
مش راضية بس راضي لإني وسطهم ك فرد
أضعف مما إنتي فاكرة، وأقوى مما أنا افتكرت
كفاكي كبر، فجرتي شبر شبر
بكتب الجمل في مخي عشان خسارة الحبر
يا بنت الناس أنا استكفيت، وريحتك طلعت
قالولي قالت يؤمر أعمل، قلت تبعد
تلت حياتي معاكي طاعة والتلتين في عمى
بسرق لحظة استطاعة بإرادة من السما
الخالد بعد شمسه راعى قرب الليل اتقى
دي الفلوس ودي البضاعة، ياريت مشوفش وشك بقى
سيبيني لنقصي، نزلت ك سهم رأسي
كرهت كون مزيكت شخصي متناسبش رقصي
هما مش سبب نجاستك هما زوقك
موصومة أرضك ملعونة السما اللي فوقك

[اللازمة]
ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن إنتي حابة تفضلي في مكانك
ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن إنتي حابة تفضلي في مكانك