3D - ثري دي Abyusif - أبيوسف

في عقلي الباطن Shot نفتح على
مفيش كلام في المشهد ده هناخده صامت
ديكور عشوائي حاجات هو إللي أختارها
كيس تلج وجوانتي حارس مرمى

كوباية بتقع مبتكسرش
غسالة دايرة والبقعة مبتتفصلش
السقف بيعلى والحيط بيوسع
مبيجريش الشوك إللي في رجليه بيوجع

مهموم وبيحاول يهرج
تفتح عينيها لـ أول مرة
تشوف كذاب رخيص بيغيب في الدروس
هينام متخافيش ويعيش في الكابوس

صورة وصوت صورة وصوت
هيعيش الكابوس صورة وصوت
صورة وصوت صورة وصوت
هيعيش الكابوس صورة وصوت

نفتح على مشهد المرونة
شيكرتون وكُره بـ كميات معقولة
الأضاءة قاسية بيغمي عينيه
المخرج بيزيح إيديه

شوف نتيجة عِندك
بقيت علبة جوا علبة جوا علبة
النور بيوطى والكدر بيضيق
بيتأخر في الرد يتقدم في اليأس

Previous Lyric Next Lyric