Hane Ou Chfak | حن واشفق Nass El Ghiwane - ناس الغيوان

[Paroles de Nass El Ghiwane "Hane Ou Chfak"
"كلمات ناس الغيوان "حن واشفق]

كِيفْ يواسي اللي فرق وبقى بلا عقل فلرسام فريد
أنا كيف جفاني حبيب قلبي ما خلاغير صورته
وُنْعُوتـُهْ وُخْيَالُهْ
من لا عمري نظرت زين . . . ف لبدور بحاله


ارفق يَا مَالْكْ ب عبــــــــدك واعطف يا صابغ النْيَامْ
يا بَدْرْ النْبَا مَنْ لُغــْـتـَــــــام يهديك الله
لا تعذب قلبي قاسيت ما كفـــــــى
أنت الموصوف ب لمحاسن وأنا الملسوع بالغـــرام
وعييت ملازم السقـــــــــام أمَّا بَرَّدْتْ من جمار فْ قلبي محال تنطفـــــى
نبات نساهر ليــــــالــــــــي ودموعي حايفة سجــام
نبكي ونوح ف الظــــــــلام على محبوب خاطري من جار عليه ولا عفـا
امتى يا مالك نشاهـــــــــــد خدك يضوي عل الرسام
ما بين مْحَافْلْ الرَّيــَــــــــامْ ونگول بريت من علالي ونسيت محاين جْفَا
رغبوا تاج لملاح فيـَّــــــــا تحييني غير بالســـــلام
وتراعي صلة لكـــــــــــرام لاخير في من جفا حبيبه وغدر بعد الموالفة

فْ هْوَاكْ أَمَالْكِي فْـنِيـــــــتْ لا حالة كيف حالتــــــي
ف طريق هواك ما عييـــت حتى تقضى حاجتــــــي
وإلى أنا نلت ما نويــــــــت منك يا روح راحتــــــي
نفرح ونگول : ما مشــــــا تمجادي ف لبها حـــرام
يا من لا ساغ لي مـــــــرام سمع قول لحسود فيا وتَكَدَّرْ بَعْدْ مَا صْفـَـــــا
هدي مدة بلا حســـــــــــاب وانا كامي علايلـــــــــي
كانتمنى ساعة الصـــــواب تقضى فيها مسايلـــــي
كانطلب عاتق الرقـــــــــاب يجمع بيا غزيلـــــــــــي
محبوبي راشگ لهــــــداب ناير لخدود قاتلــــــــــي
أما دوزت من وقـــــــــــات كنت مغْطـِّي بثوبهـــــــا
تسوى الياقوت والثـْقـَـــاتْ والسعد سگام منهـــــــا
والكاس مدامعه جــــــرات على الشمعة وْضْيَّهـَــــا
ما تسمع غير كب هــــــات والخمرة باح سرهــــــا
صدقوا من جربوا وگالــوا مادامت للزهو إيــــــــام
لو كان تدوم لَـلُّـقـُـــــــــدَّام لَو كان الشمس ف سماها تبقى ديما مْشْرْفَة