Zəfərin İmzası Elnarə Xəlilova

[Bənd 1]
Vətənin qəhrəman igidlərindən
Üçrəngli, müzəffər bayrağı aldıq
Biz onun gücündən ilhamlanaraq
Zəfərlər qazanıb qələbə çaldıq

Gücümüz məlumdur bütün dünyaya
Tanındıq hər zaman hünərimizlə
Ən yeni tarixin yazılmağının
İmzasın atmışıq zəfərimizlə

Qalxanda kürsüyə cəngavərlərim
Ucalır bayrağım, səslənir himnim
İftixar hissinə bürünürəm mən
Vətənin eşqi ilə döyünür qəlbim

Sevin, ey millətim, ey ulu xalqım
İsmimiz öndədir ər meydanında
İgid oğulların çempion oldu
Axır qəhrəmanlıq damarlarında

Əzmlə döyüşür çıxanda cəngə
Cəsur xalqımızın pəhləvanları
Qalib zirvəsində əsgər salamın
Verərək yad edir qəhrəmanları