Yaretak Fahemni - ياريتك فاهمني Angham - أنغام

‫[كلمات أغنية "ياريتك فاهمني"]

[المقطع الأول]
ياريتك فاهمني بجد زي ما بفهمك
وتقرا اللي جوايا أما عيني تبصلك
يا حلمي اللي متأجل وأنا هموت وأحلمك
يا عمري اللي ناقص عمر نفسي أكملك
يا كل الكلام اللي بشفايفي بهمسه
يا أملي اللي بتمنى أطوله أو ألمسه
يا هوا من زمان عايشة عشان بتنفسه
ياريت أبقى آخرك في الحياة دي وأولك

[اللازمة]
لو أختار ما بين نفسي وما بينك هعترف
بإن إنت أغلى وأولى وكمان أولاً
بحبك سنين في السر وما حدش عرف
وأنا أدفع سنين تانيين وأحبك في العلن
لو أختار ما بين نفسي وما بينك هعترف
بإن إنت أغلى وأولى وكمان أولاً
بحبك سنين في السر وما حدش عرف
وأنا أدفع سنين تانيين وأحبك في العلن

[المقطع الثاني]
عينيك ألف رحلة وفيها خدت على السفر
يا ليل قد عمري نفسي يطول وأسهره
يا ذنب في حياتي اللي لو بكرة إتغفر
بقية حياتي هعيده وأفضل أكرره
عينيك ألف رحلة وفيها خدت على السفر
يا ليل قد عمري نفسي يطول وأسهره
يا ذنب في حياتي اللي لو بكرة إتغفر
بقية حياتي هعيده وأفضل أكرره