İnsan Dedilər (Explicit) Okaber

[Giriş]
Müharibə davam edir
Okaber
‘’Madhouse’’
Müharibə davam edir

[Bənd 1]
Bu oyunların sonuna udan-uduzan dedilər
Yazdığımız sətirlərə güldülər, asan dedilər
İllərlə baş kəsib, qan içib doymayan bəşəriyyət
Allahu-Əkbər deyib oxunsun Azan, dedilər

Öz əsərlərində yaşayanlar ölmür, yazıb dahilər
Unudulduğumuz yerlərə ‘’Fəxri xiyaban’’ dedilər
Yelkənsiz gəmiləri sahibsiz buraxan sahillər
Boğulan insan görüb qoy ölsün nadan, dedilər

Qadının fəryadı göylərə sovrulan bəşəriyyətdə
Belədir qanun, buyurub Quran, dedilər
‘’İnsanları niyə bədbəxt elədiz?’’ soruşanda
Bizlərdə nə şərəf var, nə də vicdan, dedilər

Küçədə yatanların ağrı, əzabı gözəgörünməz
Sökülən daxma yerinə tökülür fontan, dedilər
Dedilər, şəhidlər ölməz, guya ki vətən bölünməz
Satılan torpaqların şərəfinə şampan dedilər