Kişilər Aygün Kazımova

Tündməcaz kişidən xoşum gəlmir heç
Qaşqabaq tökəcək elə hey mənə
Üzü gülsün deyə lap canından keç
Bir mehriban baxış qıymaz ki, sənə

Bir az ciddi olsa, bir az mülayim
Mən hardan bilərəm xasiyyətini
Keyfim olmayanda gülsə neyləyim
Birdən mən güləndə tutacaq kini

Kişilər, kişilər
Kişilər, ah, kişilər
Kişilər, kişilər
Kişilər, ah, kişilər

Kişi də başıma bir bəla olub
Xoşuma gəlməyə, çalışanı yox
Kişi də başıma bir bəla olub
Neyləyim özümə yaraşanı yox

Kişi də başıma bir bəla olub
Xoşuma gəlməyə, çalışanı yox
Kişi də başıma bir bəla olub
Neyləyim özümə yaraşanı yox

Güləyən kişidən mənə tay olmaz
Sanballı görünməz mənim yanımda
Yüz oyundan çıxar, keyfindən qalmaz
Şorgözlük də olar onun canında