Lassie Wi’ The Lint-White Locks Robert Burns

На этой странице вы найдете полный текст песни "Lassie Wi’ The Lint-White Locks" от Robert Burns. Lyrxo предлагает вам самый полный и точный текст этой композиции без лишних отвлекающих факторов. Узнайте все куплеты и припев, чтобы лучше понять любимую песню и насладиться ею в полной мере. Идеально для фанатов и всех, кто ценит качественную музыку.

Tune—"Rothiemurchie's Rant."

Chorus.—Lassie wi'the lint-white locks,
Bonie lassie, artless lassie,
Wilt thou wi' me tent the flocks,
Wilt thou be my Dearie, O?

Now Nature cleeds the flowery lea,
And a' is young and sweet like thee,
O wilt thou share its joys wi' me,
And say thou'lt be my Dearie, O.
Lassie wi' the, &c.

The primrose bank, the wimpling burn,
The cuckoo on the milk-white thorn,
The wanton lambs at early morn,
Shall welcome thee, my Dearie, O.
Lassie wi' the, &c.

And when the welcome simmer shower
Has cheer'd ilk drooping little flower,
We'll to the breathing woodbine bower,
At sultry noon, my Dearie, O.
Lassie wi' the, &c.

When Cynthia lights, wi' silver ray,
The weary shearer's hameward way,
Thro' yellow waving fields we'll stray,
And talk o' love, my Dearie, O.
Lassie wi' the, &c.
And when the howling wintry blast
Disturbs my Lassie's midnight rest,
Enclasped to my faithfu' breast,
I'll comfort thee, my Dearie, O.
Lassie wi' the, &c.