Monaliza Tania - موناليزا تانية El Joker - الجوكر

[المقطع الأول]
كان نفسي أشق طريقي والفشل يغرق ورايا
الناس مش عايزة تآمن، يعمل إيه موسى بعصاية؟
مش فاهمين الفرق بين المعجزة والسحر
رغم وجود كل دي تراكات شايفك ساجد لعجل
كاره كل شمس طالعة، بحب كل يوم عدى
هاخد إيه لو قالوا عني عبقرية نادرة؟
الناس مش عايزة الصح، الناس دي جاية عشان تصقف
بعدين يروحوا يصقفوله، إتساوى فنه بفنك
اللعنة مش في القلم، مش بستعمى الأعمى أنا
سبب سوء فهم الجمل عدم إستيعابكوا وجة الشبه
معقولة شافوا الصورة كاملة رغم عدم وجودك
معقولة تشوفها في حضنه، ملكش الحق تقول بتخونك
بصالي من كل إتجاه تكون موناليزا تانية
مش شايفك لابسة تاج ولا سامع مزيكا هادية
خايف بعد بوستي، برضو يقولوا موتي
ساعتها مش هيوافقوا يحطوا جنب قبرك صورتي

[اللازمة]
لازم أغرق يعني عشان تحسوا بحاجتي لطوق
لازم أبقى تحت الأرض عشان يتشاف معظمكوا فوق
مش دي الحرية برضو ولا برضو قلة ذوق
كل وردة جاتلي دبلت مش فاضل فيها إلا شوك
لازم أغرق يعني عشان تحسوا بحاجتي لطوق
لازم أبقى تحت الأرض عشان يتشاف معظمكوا فوق
مش دي الحرية برضو ولا برضو قلة ذوق
كل وردة جاتلي دبلت مش فاضل فيها إلا شوك