Kalki Aur Kali Narci

[Kali]- Intro
Mujhe dekh kar achambhit mat ho, main tumhara hi saty hoon, main aap sabko naitikta ke us andhkaar se mukti dilaane aaya hoon jo aapko jeevan ke sukhon se vanchit rakhta hai, aapko lagta hai Ishwar hai aur wo aapki raksha karega....parantu, Kalyug mein Jeevan aur mrityu ki dor kewal Kali ke hathon mein hai

[Kali]
Naam mera chota par kaam hai prachand
Punya paap ke banata main manon mein dvand
Hazri hai teri par fir bhi mujhko maante
Hari meri baatein kya de rahi hai ranj?
Tu aaya saare yugon mein mitaane kai dhoort
Abhi tu hai neeche aur thaami maine oonch
Na Kaalnemi, Kans, na Raktbeej, Ravan
Saare durjan sa in hoon nahi main moorkh
Teri praani tera naam leke haan bawal kare
Tere praani teri dhara kroorata se laal kare
Tere praani tera naam leke maili chaal chale
Tere praani tere hi wajood pe sawal kare
Dharm ki ye nauka khadi beech mein hi teri
Dil pe saari baatein praani kheench rahe meri
Ye saare mere parth aur inka main saarthi
Swyam hi bata de kya ye jeet nahi meri?

[Kalki]
Baatein badi bolke to swyam bana muni
Swyam baatein boli sau, meri nahi suni
Khud hi sawal aur khud hi jawab
Anokhi tune Kali bhala kriya kya hi chuni
Yugo waali yatra ka tune kyun hai bhaar paala?
Leela ki kahaniyon ko janta sansaar saara
Baad setu poorti ke mila tha Lankesh se
Par sahi samay par usko bhi maar daala
Jhootha naam lene waale ghoome sareaam hai
Rajneeti khelenge ye maana mere naam pe
Svaang bhi to rachenge, paisa bhi kamayenge
Ved pesh karenge ye apne hi naam se
Nauka mein viraam hai ye bhool tune paali
Kali tere parth bhi hai teri tarah khaali
Nauka ki tu baat kare bhool kaise gaya par
Matsya ne kaisi thi nauka wo sambhaali