Qurtul PRoMete (Ft. Orkhan Zeynalli)

[Bənd 1: PRoMete]
Günəş, parlaq səma, tozlu pəncərə
Çərçivə arasından sızan şüa
Qəribə ahəng, qəribə qamma
Puç olmuş arzular
Hər şey çox bəsit, mənasız dünya!

Fikirləşir ki, bəlkə, toz olum?!
Mən də sızan şüada rəqs edim
Amma kölgə var və görünməmək qorxusu
Ya da səs olum
Qucaqlayım qulaqları və beyni

Mən yazıram ki, sən eşidəndə yaşayım
Mən bilirəm ki, sən eşitdin, mən yaşadım
Hər sətrimdə çək nəfəs və gülümsə
Qoy gözlərində təbəssüm görünsün

[Nəqərat: PRoMete]
Qurtul bu cəmiyyət qəliblərindən
Tələ sevgilər saxlayan
Paslı insan qəlblərindən!

Qurtul bu cəmiyyət qəliblərindən
Tələ sevgilər saxlayan
Paslı insan qəlblərindən!