Radhe Govinda Narci (Ft. Acyuta Gopi)

[Achyut Gopi]
Bhajman Radhe (Radhe), Radhe (Radhe) Radhe Govinda
Radhe, Radhe, Radhe, Govinda (hey) X2

[Narci]
Golok se shuru kahani jo thi pahaucnhi Dwapar mein
Aaj bhi kahani teeno loko mein ye vyapak hai
Brahma ka sandesh liye Shridama bole Narad ko
Milunga mere prabhu se unke dhaam jaakar main
Param bade wo bhakt prabhu ke saaron mein mashoor they
Kashamakash mein prabhu khade par us kshan mein zarur they
Shyam jo rehte ek pal bhi na prem bhaav se kabhi alag
Bhakti mein doobe Shridama prem naam se door they
Naam prabhu ka japte they wo raat samay se praatah kaal
Naam kabhi na lena bhoole wo to apne trata ka
Goluk mein paunche to wo khud se pooche ek sawal
Prabhu se pehle goonj raha tha naam bhala kyun Radha ka?
Golok ke vaasi bole Radha hi to pyaar hai
Shyam ke shabdon ka to Radha hi aadhar hai
Radhe Radhe bol sabhi ke bhagy jaate poore chamak
Kanha hai 'gar kaavy-kala to Radha unka saar hai
Baatein sun hairaan they wo aur soche kaise baat rakhun?
Prabhu se pehle kyun hi bhala us Radha ka main naam japun?
Jinse chalti saari dhara main unhi prabhu ka sewak hoon
Bin Krishna ke main na bhala kisi aur se kaam rakhun
Naam bana tha Radha ka uske dil mein aatish
Zid bani thi Shirdama ki swyam badi hi aafat
Golok mein bol uthe they baat badi hi sahas se
Na prem bada hai bhakti se main kar dunga ye saabit