Canavar Ünvanında Okaber

[Bənd 1]
Son addımında ehtiyatlı ol!
Bizə qarşı çıxarsan, sonuncu addımındır
Ölüm sənə yaxındır
Üzməyə özünü cırma, dəniz deyil bu, axmaq
Bu, qanlı bir axındır, yaxın dur!

Əvvəl-axırı budur, insanlar mat-məəttəl
Mən onlardan əvvəl yaranıb, öldüm lap əvvəl
Qaranlıq şəhərə qanlı gözlərlə qara baxışlar
"Qarın qardaşdan irəli" - deyən harın yaranmışlar

Narın yağışlar qədər səhnədə alqışlar
Səngərdə sərkərdə kimi döyüşər, vuruşar
İçimdə müharibə, sözlərim top-tüfəngdir
Həyatın məktəbdirsə, bu gün sonuncu zəngdir

Bu gün son dəfə ağla, gül, bağla səhifəni
Özünə sifariş elə torpaq, qəbirdaşı, kəfəni
Bu gün məhv eləyəcəm səni, yazıq kimi baxma
Sən uduzdun, axmaq, şərəfsiz, ağlama, ağlama

[Nəqərat]
Mən yummuram gözümü alçaqların yanında
Və çatdırdım sözümü şərəfsizlərə sonunda
Çəkilibdirsə adım "Canavar" ünvanında
Qanımda var quduzluq, dayanmayın yanımda