Kaa El Eikaa - قاع الإيقاع El Joker - الجوكر

На этой странице вы найдете полный текст песни "Kaa El Eikaa - قاع الإيقاع" от El Joker - الجوكر. Lyrxo предлагает вам самый полный и точный текст этой композиции без лишних отвлекающих факторов. Узнайте все куплеты и припев, чтобы лучше понять любимую песню и насладиться ею в полной мере. Идеально для фанатов и всех, кто ценит качественную музыку.

[المقطع الأول]
لو النظام في صفك ليه إيقاعه إختار ألحاني
قال هيبقي معاه عصايه ومش هيبقى موسى تاني
لازم يأمنوا لما نوضح معني كل شيء
لو التفكير ما كانش عبادة يبقى إيه لازمة الغيب
إيقاع من إختراع فرد كفائته خمسة أضمن
من عشوائية كل فرد فيها كفائتة عشرة
مارس العبادة لما توصل للإجابة
تشهد ليه على وجود إله لما إنت ماشوفتهوش في حاجة
في الجزء السالب من ساعة ما الملك مشي
خفوا نجيب، خافوا لفكرة مدنية تنتشر
دولة غير الدولة وإنت في عينهم شبه عالة
بعد ما إحنا نموت هيعيشوا مية سنة زيادة
ما تقولش أنا حاسس بيك، ده أنا مش حاسس بيك
كل واحد حاسس من اللي في التاني اللي حاسس بيه
إنت كغبي في نعمة، مش هيساعدوك تعلى
لازم تفضل كده وإلا الكوكب مش هيسعنا

[اللازمة]
إنت شخص عادي جداً، سرعتك سرعة القاع
تبقى ساذج لو فكرت إنك هتغير أي إيقاع
إنت بتختار كذا وفي إختيارات إختارت الباقي
حتى إختيارك كذا نتيجة كذا إختيار تاني
إنت شخص عادي جداً، سرعتك سرعة القاع
تبقى ساذج لو فكرت إنك هتغير أي إيقاع
إنت بتختار كذا وفي إختيارات إختارت الباقي
حتى إختيارك كذا نتيجة كذا إختيار تاني