El mensi | المنسي Muslim - مسلم

На этой странице вы найдете полный текст песни "El mensi | المنسي" от Muslim - مسلم. Lyrxo предлагает вам самый полный и точный текст этой композиции без лишних отвлекающих факторов. Узнайте все куплеты и припев, чтобы лучше понять любимую песню и насладиться ею в полной мере. Идеально для фанатов и всех, кто ценит качественную музыку.

[المقطع الاول]
على حيوط الحومة كاو يميل قرعة د الالكول فيدو يقالي
فحوايجو يسيل يمشي بخطوات ثقيلة يمين و شمال ، شمال و يمين
يفتش على قنت من قنوت الزنقة يجلس يشرب يهرب
من سنين دازت من عمرو فحال رمشة عين ما بقي والو خونا فات الخمسين
الحياه و شعرو شاب بشرابو ينسى شبابو
لي داز فالخاوية عامر الشيطان يزرف و هو بسنين عمرو يغامر
قالوا فصغرو كان يلعب بالفلوس لعيب
الليل يدي و النهار يجيب ثاق فالزمان و حسبو حبيب
و صعيب كاينة قلبت الزمان ، الصحرا القحلة من بعد الجنان
تحت ظل شجرة ميتة بلا غصان
شفت لعيون و الخضر يبس تحت الشمس الباردة جلدو ملبس
تحت السما الصافية سحابة كحلة عرقان بالبرد موانس
تتخلطلو الفصول و الليالي ادور و ليام تتسالس

[اللازمة]
قال الشراب ينسي الشراب ينسي
مزيان يرسي مزيان يرسي
لعمر يصبح و يمسي لعمر يصبح و يمسي
و لعمر ما يمسي غير على لي منسي

[المقطع الثاني]
يجيه الجوع يقصد الزبالة يهبش
يجري على الكلاب و الكلاب ينابحو و فيدو بلاستيكا د شايط
يلحس لعظام و يسيب ليهم عشرانو صبحو شارك معاهم الطعام
3 د الجناكة دايزين بانت ليهم فيه خملوه غبلوه نفظوه
واحد هرسلو قرعة الثاني ادالو بريكي الثالث ضربو
عمل يدو على عينو مشى للقنت و جلس
الجناكة رمقو فحديدة البورتابل و المونو ما خلاهم يسرقوا بالحس
خملوا لحديدة و هربوا و المخزن بيه فيه حضر
و القارة تصفر قالوا يساقيو خينا لي حضر
مع الدخلة ترشى و عاد الهدرة حرشة
ماداو مايعاودو بانت ليهم ديوانة الكاشة
عرفوه من الريحة لي فيه و قالول ليه بدل لبلاصة تمشى
و مشى يجمع تحت يدو كراطن
الحجب دعينو مفتوح و ...فاطن
فرش و اتكى و ضحك على الزمان لي فوجو ترن و هو سكة