Ghoraz Bein El Wake3 Wel Meshmesh - غرز بين الواقع والمشمش Abyusif - أبيوسف

[المقطع الأول]
بلياتشو داهن وشي أصفر بإبتسامة
جوايز للشطار، كلامي أشطر من كلامك
مقيم في قلب سلبي، آخر دور تاني سويت
كلملي الترزي، خلقي قصير ولساني طويل
مش ببص في المراية، شايف نفسي عامةً
بموت في اللعب بالكلام، رسمي على الكفن
بركبلي موجة أسوق الهبل، حركة إصطدامي
كاسر الفوانيس، البركة في إكسدامي
باخد غرز بين الواقع والمشمش
أنا في السما بنفسي، طالع ما نزلتش
صوتي مش قوي بس العبارة في الكلام
لخصت نفسي في عبارة وكانت عبارة عن كلام
كلام في المقدمة، مش مهم إن أنا أتشاف
كلامكو أهبل بريالة وأنا بكتب بقلم جاف
ممكن أقلب رصاص، كل أما تغير قافية
حافظ على شِعرك، شامبو ومايه دافية

[اللازمة]
تمسك المايك في إيدك تقول حاجة
مش هتقول حاجة، إديني أنا أقول حاجة
كلامي زي العسل، فالناس بتبلعني
بعقد أي رابر يسمعني

[المقطع الثاني]
دافع التمن بدافع إن التمن دافع
دافن إمبارح في كفن واسع
جو هاني شاكر دا كئيب
موت على الفيديو، عاوزين إفيه
عاوزين أراجوز، عاوزين باربيكيو
فكك من الواد أبو بدلة، كل طلباته هبلة
الراب في مصر حلو وسلطاته جاهزة
فيه بديل محلي، أنا ساندوتش مؤمن
جرب وإبقى قابلني لو ما بقيتش مدمن