Wenn et Leech usjing em Roxy Bläck Fööss

Et Schmitz Marie wor minge Schwarm
Jo, un ich dät et froge, ob et jän
Met en et Kino köm
Et jöv ene Liebesfilm
Doch et Marie woß janz jenau
Öm wat et jing

Denn wenn et Leech usjing em Roxy
Hatte mer schnell e Kääzje ston
All die Mädche un die Junge
Soße, loge eng ömschlunge
Hingen en d'r letzte Reih

Un wenn dann jeder singem Mädche
Unger et wieße Blüsje jing
Do hatte mir och schnell kapeet
Öm wat et noch em Levve jeit
Usser Fußball un Karl May

Doch et Marie sät leider "nä"

Un wie durch Zufall kom et Lisbeth vorbei
Et wor nit jrad ne Schoß
Op dä mer fleje muß
Doch wenn et dunkel weed
Sin alle Mädche schön