Awit ng mga Naiwan - Live Mula Sa Buwan

[Verse 1: ROXANE]
Ang irog ko'y lumisan na 'di nagpaalam
Tila ibon papalayong lumipad
Ngayo'y nangungulila, kan'yang dating tahanan
Pinangakuang dilag

[Verse 2: ROXANE & FEMALE COMPANY]
Nasa'n ang pag-ibig na minsa'y inialay
Sumpa niya'y tunay at wagas
Pilit ko mang limutin ang kan'yang alaala
Sa bawat patak ng luha'y bumabalik s'ya

[Verse 3: ROXANE & FEMALE COMPANY]
Pag-ibig niya'y nadarama
Ang tinig niya'y naririnig pa kahit na umiidlip na
Tinatawag ang ngalan mo sa tuwina

[Verse 4: ROXANE & FEMALE COMPANY]
O irog ko'y babalik ba?
Laging nakikita't ginugunita kahit 'di na sadya
Larawan niya'y ipininta sa tuwina

[Verse 5: FEMALE COMPANY]
Hindi malilimutan ang aming sumpaan
Pumanaw man sa daigdig (sa daigdig)
Saan ka man abutin, o ibong lumaya
Pag-ibig ko'y iyong dinggin
[Outro: ROXANE & FEMALE COMPANY]
Kung 'di na mababalik sa 'yong tahanan
Pintuan ay ipipinid
(Ahhh) Laging sasariwain ang kan'yang alaala
Ang minsan mong inibig, naghihintay