Baladna - بلدنا El Joker - الجوكر

[المقطع الأول]
مزيد من الإنقسام بين الشعب والإخوان
رفض كامل للإعلان، مليونية في الميدان
مؤيدين فلان ضد مؤيدين فلان
سقوط اتنين شهداء، أهلا بيك في مصر الآن
أهلا فاللي أحتلها، حكومات تستغلها
تزرع فساد وعقولنا تروي جدورو من جهلها
علمونا نهتفلها وإحنا لسه بالمريلة
نموت نموت وتحيا مصر أدينا متنا مين عاشلها
حكومة بتزلها، فاشلة في استخدام دخلها
سايقه عجلة التقدم بالروتين اللي يشلها
بلد ولا يوم بانلها، شيء يبل ريق ابنها
يشيل حكومة تجيب حكومة نسخه من اللي كت قبلها
حكومات مجمل همها إن يطول نفس حكمها
في كبح جماح أمل شعبها كان تمن تحقيق حلمها
كل حكومة فوق برجها طول ما ناسها بتسمعلها
راح مبارك جه الإخوان يكلمو من مكان من انتهى

[اللازمة]
بلدنا بتتمزق ما بين طوايف من شعبها
وكل طايفة شايفه الصورة من زاوية فكرها
مفيش حد نزلها، شاف عقدتها وجاب حلها
ماتش والفرقة الكسبانة اللي الجمهور بيهتفلها
بلدنا بتتمزق ما بين طوايف من شعبها
وكل طايفة شايفه الصورة من زاوية فكرها
مفيش حد نزلها، شاف عقدتها وجاب حلها
ماتش والفرقة الكسبانة اللي الجمهور بيهتفلها