Catapilla Kurt Ostbahn

Da warn die Wägn von de Zigeuner
Die toten Gleis', des wüde Wasser
Und do war i net zum klankriegn, als klana Bua
Glei vorm Haus da war der Urwald
Dann sind die Catapilla kommen
Des war an am Montag in da Frua

I bin ausse ausm Bett, bin ausse aus da Tür
I hab net packt wos i do siach
Die Catapilla hom ois niedagmocht, ois was zöht hot fia mi
Hob no net gwusst, dass an des öfter gschiacht

Im Urwald wachs'n heut die Häuser
Wer damals kauft hat, is heut Kaiser
Und in Wasser habn's des Wüde obagramt
Des rinnt unter der Erd, wo's niemand stört
Mi habns verlegt in an Urwald
Wo nur wer net auffallt ordntlich durchhalt
Es warn net vü die gsagt habn: "aber net mit mir"

I hab bald gwusst, da bin i falsch
Hab meine Zeugnis' g'nommen und verbrennt
"Ka Hirn", hams gsogt, "ka Funken Verstand"
Aber i renn lieber gegen versperrte Türn
Als i steh do mim Rücken an der Wand
Mir warn früher Freund, und wia san s' heut beinand
Sie haben a paar offene Türen eingrennt
Und si rasch ins Aufgeben eing'wöhnt
Haben nix mehr wirklich wolln, für was si des Suchen lohnt