Ana Law Zalana - أنا لو زعلانة Ruby - روبي

[المقطع الأول]
‏لا عادي براحتك مين قالك إن أنا مضايقة
من الأول عارفة إنك ماشي ومش هبقى أنا ليك
لا عادي براحتك تبعد تفضل مش فارقة
طول عمرك موجود في حياتي ومش حاسة أنا بيك

[اللازمة]
أنا لو زعلانة، زعلانة
على وقتي اللي معاك ضيعته
على قلبي اللي بإيدي وجعته
على ثقتي في نفسي اللي إتهزت مية مرة معاك
أيوة أنا غلطانة بأمانة
كان لازم تيجي مني من الأول
أنا ليه سيبت الوقت يطول
مش كنت أنا أولى بكل دقيقة ضاعت وياه

[المقطع الثاني]
ويا عم بسيطة بالتوفيق ألف سلامة
الروح في إيدين اللي خالقها وأنا لسه بعيش
ويا عم بسيطة منك في الدنيا دي ياما
أنا بس اللي ماكنتش شايفة وكان في تشويش

[اللازمة]
أنا لو زعلانة، زعلانة
على وقتي اللي معاك ضيعته
على قلبي اللي بإيدي وجعته
على ثقتي في نفسي اللي إتهزت مية مرة معاك
أيوة أنا غلطانة بأمانة
كان لازم تيجي مني من الأول
أنا ليه سيبت الوقت يطول
مش كنت أنا أولى بكل دقيقة ضاعت وياه