Ana W Enta - أنا وإنت Amr Diab - عمرو دياب

[المقطع الأول]
أنا وإنت إختارنا إننا نبعد عن بعض خلاص
يبقى ملوش لازمة يبان ضعفي وضعفك للناس
وياريت اللي يجيبلك سيرتي
قول كان حبيبي
وأنا هثبت ليهم بطريقتي إن الحكاية خلاص

[اللازمة]
عادي آهي خلصت
زي ما كل حكاية بتخلص
إيه إللى هيجرى وإيه إللى هينقص
منا لو إحنا ماكملناش
أنا هتعود وإنت كمان لازم تتعود
عمر البعد ما كان بيموت
ماهي دنيا ولازم تتعاش

[المقطع الثاني]
أنا هفضل يا حبيبي أفتكرك
عمري ما هنساك
ولا هنسى الأيام الحلوة إللى كانت وياك
هتاخدنا الدنيا وهتفرق بينا الليالي
أنا عايزك بس تكون عارف
ببعد وقلبي معاك

[اللازمة]
عادي آهي خلصت
زي ما كل حكايه بتخلص
إيه إللى هيجرى وإيه إللى هينقص
منا لو إحنا ماكملناش
أنا هتعود وإنت كمان لازم تتعود
عمر البعد ما كان بيموت
ماهي دنيا ولازم تتعاش