Fritz Züri West

Sunntig Morge i lige im Bett u schlafe no haub u tröime no nätt
Bis mi dr Räge dür ds offne Fänschter weckt
I schla d’Ouge uf u ds Fänschter zue
U schtige i d’Hose u sueche mini Schue
U gsee da ligt doch no irgendöpper i mim Bett
Wär chönnt das sii
Was faut dere ii
I überlege aber chume nid druuf
I ga nächer häre u bücke mi
U lüpfe ganz vorsichtig d's Duve uf

Fritz - nid scho wieder du
Fritz - la mi doch in rue
Fritz - es längt jitz

Mittwuch - öppis vor de Achte am Aabe
I ha mi Lieblingsfrou zum z’Nacht iiglade
U jitz sött sie scho genau
Säge mr emau sit öppe e're Haubschtung da sii
Jitz isch dr Riis am Arsch
U ds Fleisch verbrönnt
U d’Fläsche haub läar
U we sie nid glii chunnt hett's nume no Blueme u Brot
U villech no'nes Glas Wii
Aber im Schtägehuus geit d'türe uf
Das mues se sii
I ghöre ihri Schritt
Ghöre se inecho
E schtimm rüeft: hallo
U ir Chuchitür schteit dr Fritz