El 3o2d - العُقد El Joker - الجوكر

[اللازمة]
أكيد كان ليها حلول وأكيد مننا في طرف مسؤول
كان سهل النهاية تبقى نقطة بداية لو سعينا لحل وسط معقول
في طرف استُنزِف إهتمامه وطرف مشافش إلا نفسه قدامه
طرف كان بيخسر والسكة مش بتقصر، يوميا بيدفع تمن إدمانه

[المقطع الأول]
كنتي كل حاجة عكسي وبتشدني
قبلت عشانك أتهد وشخص تاني يتبني
إتغيرت على أمل تتغير يوم لما تحبني
قال يعني الريح هتبقى نسمة لو الشجر ينحني
عشت معاكي فرحة، معيشتش من آخرها
إنتي كل ذكرى ببتسم لو أفتكرها
في حاجات وأنا بحكي عنك الوجع يقولي أنكرها
يسألني الحنين وتحكي إيه؟ محيلتكش غيرها
الهجر مُر اللوم، طول الليل صعوبة النوم
تُقل الحمل بُطء اليوم، وسع الفجوة ضيق الكون
مكالمة صلح في إنتظارها تقلت الثواني
كل إتصال جريت عليه وطلع من حد تاني
عاملة مش مضمونة من اللحظة الأولى
عشان أسعى إنك تفضلي موجودة
وأضحي من غير ما أسأل ده في مقابل إيه
إنتي عايزة حد تكسريه مش تتسندي عليه

[اللازمة]
أكيد جبت آخري لسبب، مفيش إحساس من العدم
إخترت ما عيشي في ندم مادام كده كده في ألم
ماهو مش معنى إني قبلت تفتري، مش منطق تبيعي وأشتري
نَفَسي بيطول لو أتغري لكن جريني في طريق يتجري
أكيد جبت آخري لسبب، مفيش إحساس من العدم
إخترت ما عيشي في ندم مادام كده كده في ألم
ماهو مش معنى إني قبلت تفتري، مش منطق تبيعي وأشتري
نَفَسي بيطول لو أتغري لكن جريني في طريق يتجري