Chi more pe’mme Co’Sang

[Testo di "Chi more pe'mme"]

[Intro: Luchè]
Yeah, ah
Sento 'a voce c''o ritorno, ancora
Però ancora na vota nn'me ne faccio proprio
Pecché aggi''a registrà, aggi''a dicere, aggi''a parlà
Aggi''a dicere coccosa, chello che sento, chello che veco
'A raggia, 'a raggia che tengo 'a caccio 'a fore, siente
Siente mo

[Ritornello: Ntò & Luchè]
Voglio girà 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo
Voglio girà 'o munno
Ch''e piede o ch''e parole toje?
Vedé chi more pe'mmé
'O ssaje, ognuno guarda 'o suojo

[Strofa 1: Ntò]
Dimme che pozzo fà si tengo ll'uocchie 'nfronte
Collegate â lengua ca nun offende, 'a menta pronta
Sostanzialmente me racconto e racconto, crudo 'e natura
Sott'â luce d''a luna è juorno scuro
Dedico 'e note a facce sconosciute
Pittanno 'a vita 'a 'int'ê mattune
'A vita nn'se stuta, s'aspetta 'a morte vestute
'O pugno 'e fierro 'int'ô guanto 'e velluto
P'ogn e minuto n'atu pover'ommo s'è vennuto
E nn'accummencia e nu' fernesce niente
'E piezze 'ruosse dint'ê Roadster
'E piezze nuoste dint'ô stereo
Roba overo, rap serio
Mantenimmo chi nn'se n'accorge
Chi overo se vò fà coinvolgere
E arriva pure 'a rima p''e ridicole
Nn''e chiude dint'ô studio 'e critiche
Nn'sî 'o tipo ch''e grillette e cazette 'e lycra
'Iss''a cercà amicizia a Co'Sang
Pusate cullane e cappielle, 'mmiez'â via nn've sanno
'O bbene vence a doppo 'o sacrificio
Difficile, è poco 'o tiempo p''o capì
Jenno appriesso ô successo
Coccodrillo, cincillà, case 'e proprietà
Pasha de Cartier, vacanze a Sharm
Padrune d''o quartiere danno esempio
'Int'a nu mese trenta esequie, requiem senza tregua
E tutt''o pianeta more p''e monete
Pezziente e nobbile, 'o stesso obiettivo
C''o doppio petto oppure l'UZI, è accussì
Picciò i'