Unsere Altreucher Bläck Fööss

На этой странице вы найдете полный текст песни "Unsere Altreucher" от Bläck Fööss. Lyrxo предлагает вам самый полный и точный текст этой композиции без лишних отвлекающих факторов. Узнайте все куплеты и припев, чтобы лучше понять любимую песню и насладиться ею в полной мере. Идеально для фанатов и всех, кто ценит качественную музыку.

Direk bei uns de Eck eröm
Do es ene kleine Lade
Do jov et fröher Lebensmittel
Un och jet ze schwade
Zick einem Mond jehöt dat jetz
Enem schlaue Mann
Enem schlaue Mann
Dä sammelt all dä Krom
Dä mir ens fottjeschmesse han

Un wenn de dir dat dann belurs
Do triffste ahl Bekannte
Quetschebüggel, Kanapees
Neu lackierte Lampe
Domols krächste nirjendwo
Dat Sofa loß - jo, dat Sofa loß
Un do stauns nit schläch
Wenn de sühs, wat dat hück koß

Unsere Altreucher es ene Neureiche
Dä künnt morje sing Rente schon enreiche
Hä süht us, als wenn hä keine Penning hält'
Un ovends laach hä sich kapott en singem Bett

Et Jeld es fott, dä ahle Krom
Dä es jetz jroß en Mode
Doröm es dä Altreucher
'Ne Neureiche jewode
Dä wonnt jetz en enem schöne
Jroße Bungalow - jo, Bungalow
Un unse' ahle Spejel
Dä hängk jetz op singem Klo