Biri Var Burda Xatirə İslam

[Bənd 1]
Səninlə sonsuza getmək istəyən
Səni hər vaxt, hər an sevmək istəyən
Sənin də sevdiyini bilmək istəyən
Biri var burada, səni gözləyir

Səni ürəyincə öpüb oxşayan
Səni illər boyu qəlbdə daşıyan
Sənin varlığınla, bil ki, yaşayan
Biri var burada, səni gözləyir
Biri var burada, səni istəyir

[Nəqərat]
Biri var burada
Hər anını həsrətlə izləyir
“Tale insafa gələcək” deyir
Sonsuzadək, bil, səni gözləyir

Biri var burada
Aldığın qəlbi geri istəyir
Sevgimidir, cəzamıdır, nədir?
Ürək susur, fərman dinləməyir

Biri var burada
Aldığı qəlbi geri istəyir
Biri var burada
Sonsuzadək, bil, səni gözləyir