El Nadaha - النداهة El Joker - الجوكر

[المقطع الأول]
إتلونوا التعابين ودخلوا بيننا، قضا وقدر
حتى اللي بان مليان بالتقوى فجأة فضى وفجر
العوز كافر خلى أفلاطوننا مضى لغجر
والغابة اللي إحنا بقينا فيها هي صدى الخبر
حلوين سيجارتين الدخان، لكنه شخص دني
غريق محدش بيحبني، عام بمفيش حاجة تهمني
وصل بر الأنا، فرمل الزمن قاله هتعدني
وتقتل حتة منك كل أما الغربان تقول شدني
غلطنا آه، إتعلمنا لأ، مصممين نعاند
نازلين من الجنة على الأول، طالعين النار على التالت
لا موتنا موت شريف ولا حياتنا حياة بهوات
شقانا كله في البضاعة في قاع الملاحات
بنجود مش بنزود، لا بنكمل ولا نحود
لا بنمل ولا نتعود ولا نحب إلا اللي يموت
كائنات تميل لضرب دماغها في الحيطة الخرسانة
عدم أذى الغير وأذى النفس ده أقصانا

[اللازمة]
كل يوم بندخل حرب جديدة، حياة مش سهلة
بس مهما حصل كله إلا النداهة اللي بتندهلك
كل يوم بنوصل للسرير، حياة مش صعبة
بيمشي الحال فمشي الحال، بسط بلاش تستعمق
كل يوم بندخل حرب جديدة، حياة مش سهلة
بس مهما حصل كله إلا النداهة اللي بتندهلك
كل يوم بنوصل للسرير، حياة مش صعبة
بيمشي الحال فمشي الحال، بسط بلاش تستعمق