Ezdwageyit El Maayiir - إزدواجية المعايير El Joker - الجوكر

[المقطع الأول]
ستين سنة مسجل منحني الجهل إنطلاقة
فساد مدارس، جامعات والميديا والصحافة
مؤسسات التنشئة بتخدم النظام
بنقوم للمدرسة إجبار مش إحترام
فالنقص في الأخلاق ده شيء علينا مش جديد
لكنه بان بقوة بعد غياب عصى الرقيب
لو كانت المبادئ الرقيب على الأخلاق
ما كان سلوكنا فسد تحت أي ظرف كان
عمر غياب الشرطة ما بيفسد أخلاق الناس
لكنه يكشف عيب مسجون مستنى موت السجان
ما تستغربش مجتمعنا حاله ما إتغيرش
العيب خفاشنا وليلنا ليل، عايزه ليه ما يظهرش
طيب أدي المشهد قدامنا من قريب
يا نطالب بالعقوبات ونصلح على المدى القصير
يا نواجه الحقيقة ونعترف بإن السفينة
غرقانة من سنين وعمالين نقدف بيها

[اللازمة]
إحنا كذا نبرة، كذا مطلب، كذا طبلة
فبنظهر فوضى، مافيش أمل ننجح ثورة
حال بلدنا الحال اللي إحنا فيه اللي مأخره
ربك ما بيصلحش من حال ناس ولا إتغيروا
طول ما إحنا كذا نبرة، كذا مطلب، كذا طبلة
هنظهر فوضى، مافيش أمل ننجح ثورة
حال بلدنا الحال اللي إحنا فيه اللي مأخره
ربك ما بيصلحش من حال ناس ولا إتغيروا