I schrei Hans Söllner

Es is scho lustig zum zuaschaugn wie er springt
Und obwohl i nix hea' i glaub, dass er singt
Er fühlt sich wohl do drausn im feichtn gros
Er brauch nit hungan, zu fressn find er überall wos
I fong zum lochá oh, weil i ma grod denk
Oh mann, des viech do vornán , spuit wie a kloan's kind
Und i bin froh, dass i so was no' sieg
Und i woass net füa wen, oba donke dass 'n gibt

Wie a depp, rennt er im käfig auf und ab
Bluatige fiass, a bluatiger draht
Gegenseitig fressan se sich auf
So eng is do drinn, so vü' plotz wa do drauss'd
Oh mann, i glaub se wissen gonz genau wia's laft
Koan glanz in de augn, se mechtn't bloss no raus
Se mecht'n laffa, se mechtn einfach leb'n
Und wie a depp steh i daneb'n

Oh mann, i woass net, i woass net wie i da's sogn soll
I steh bloss daneb'n und rea'
Und i schrei schrei , i schrei schrei
Und koana heart's

Mit de fiass hobn's ean hingnoglt an'd wand
Und sei mörder steht daneb'n in an bluatig'n gwand
Net da erste heit, er hot's net zählt
An wos er denkt? i glaub er denkt bloss an's geld
Er ziagt eam sei fell gonz longsom ob
Und vielleicht hot er's net g'merkt, ober er hot noch g'zuckt
Wenn er fertig is, donn is des scheissegal
Donn liegt er sauber'kammplt irgendwo in an regal