Balli Aur Mein Talha Anjum

[Verse 1]
Aik dafa zikar hai thori purani baat hai sahi se yaad nai
Mera aik dost tha Balli, yaaro ka yaar bhaiyo ka bhai
Wo dil ka tha bohot he saaf, haan kuch adatein kharab thein
Ye baat hai 2012 ki charas sharaab tou sheher mein aam thi
Balli gareebi mein bara hua usne dekhi nai shan o shaukat
Wo chahta tha paisa bohot saara lene ko ready tha wo koi bhi shortcut
I'll cut short to jab usne ye socha ke aik pistol chahiye 2 larkay jayein ge, 2 peechay ayein ge, fielding lagayein ge, kaam dikhayein ge aur phir nikal jayein ge
Aur aisa he hua sab lautay ghar ko jaibo mein note he note
Balli bhi khush hai wo maaray dum bhi balli ko yaad nai maut
Par maut ki baat nai kartay kyun ke is kahani mein wo agay aani hai
Aja maa tujhay mein shopping karwau tu fikar nai kar paisa pani hai
Aja hum ghoomne chalein tu mujhay ghumati thi ab meri bari hai
Balli ki maa he thi sab kuch, Balli ka baap is dunya mein raha nai
Balli ko jaanta tha baray arsay se balli aur mere mein parda nai
Balli ka khauf tha larko mein par usay pata tha mein us se darta nai
Aur jab bhi milta tha us se mein kehta tha jaani ke ye laanjay theek nai
Lekin mein jaanta tha uske pass koi degree Kya certificate nai
Dhoondi par mili nai naukri, ab bhooka tou roti he maangta hai
Teri nazar mein wo bas aik dacoit par bhook ko bhooka he jaanta hai
Aur upar se aslhay aur nashay ka mix tou humesha hota hai lethal
Balli was losing control paise ke chakkar mein thok diya dealer
Balli ko dhoond rahi police lagi hui dafa 302
Aur tum socho ge mujhay kisne kaha ye sab tou phir tum aagay suno

[Bridge: Talha Anjum, Balli & Balli's Mother]
"Waise tu jaanta haina.. tere naam ki goli pehle Balli he khayega.."
"Tension? Sab se bari tension tou tum ho mere liye"
"Ye jo bhi ho raha haina tere saath, ye tere kiye ki saza hai"
"Jani ye haraam ka paisa kab tak chalay ga? Pani ki tarah behta hai ye"
"Shaam mein miltay hain jaani, aur haan! Abba se mil lena apnay"