Təlqin Elnarə Xəlilova (Ft. Qan Qrupu)

[Bənd 1]
Sabahın...
Sabahın xeyir, mənim son daşım
Doğulan gündən mənim yoldaşım
Qorxularımdan çıxan sirr daşım
Oldu qanıma qəltan

Günortan...
Günortan xeyir, yarılan qaşım
Yarımçıq qalan mənim savaşım
Canımı alan doğma qardaşım
Əridi mənim şamım

Axşamın...
Axşamın xeyir, mənim başdaşım
Boyumu ölçən uzun qamışım
Apara bilmədiyim daş-qaşım
Candan doymayan yaşım

[Bənd 2]
Qorxuram!
Qorxuram atdığım səhv addımlardan
Keçə bilmədiyim imtahanlardan
Sol əlimə verilən kitablardan
Qarşıdakı sorğu-sualdan