Shokran Ya Mama - شكرًا يا ماما Ahmed Mekky - أحمد مكي (Ft. Nehal Nabil - نهال نبيل)

[المقدمة: أحمد مكي ونهال نبيل]
يااا
أمي
حنان مالوش حدود، أعظم إنسانة في الوجود
ماما

[المقطع الأول: أحمد مكي]
مهما هحكي اللي في قلبي واللي نفسي أقوله ليكي
مش هيطلع حتى نقطة في بحر إحساسي بيكي
كان حلمك تبقي سعيدة مع زوج حنون عليكي
تبنوا حياة جديدة وولادك حواليكي
ويا دوب حققتي حلمك، جه وهد البيت عليكي
فجأة راح سابك وحيدة، ساب ولادك حتى ليكي
سابك محتارة وحزينة والولاد ماسكين إيديكي
وبقى عندك إختيار، بيت جديد وفرصة تانية
أو تعيشي عمرك وحيدة مع ولادك الصغار
مسؤولية صعبة جدًا، كنتي قد الإختبار
قلتي هختار ولادي ولو هربيهم في نار
من النهاردة دول حياتي مش هسيبهم مهما صار
اللي قالك ليه تضحي واللي قالك دا إنتحار
واللي قالت بكرة تيجي تندبي سوء الإختيار
الولاد دول كانوا إحنا، أنا وإخواتي الكبار
قدرتي تعدي بينا وتربينا ودا إنتصار
وجاي أقولك بإبتسامة من قلبي شكرًا يا ماما
شكرًا يا ماما
(يا أمي)