La Ballata del Prefetto Mori Rosa Balistreri

[Testo di "La Ballata del Prefetto Mori"]

Parti, prifettu, parti – cci dissi a Mori Mussolini -
Metti 'n galera la mafia cu tutti l'assassini
Vonnu 'u cumannu, vonnu 'u putiri, lu putiri miu
Ma su' nimici di li fascisti e nimici di Diu
Mori partìu… ed arrivau cu un trenu spicïali
Senza sapiri ca faciva lu servu ô capitali

Di notti ô scuru, li sbirri cuminciaru li ritati
Scassannu 'i porti e trasinu 'ntê casi stracanciati
E sull'istanti curpevulennu genti a la rinfusa
'I tiraru fora e s'i purtaru chî catini ê pusa
I matri e i figli currennu appressu a 'i patri e a li mariti
Vannu chiancennu... vannu chiancennu e chianciri sintiti

Mi chianci 'u cori, ora ca terminavu di cantari
'Sta storia vera - si pensu ca la mafia è 'nta l'artari
E addisunura 'sta terra onesta e povira ca voli
Pani e travagliu, la libbirtà, giustizia e li scoli

Ah no â mafia! E no a la liggi infami dâ lupara
E no onuri! Onuri e gloria a cu' arrobba e spara
Chistu gridamu, è 'a nostra vuci ca arrusviglia 'i morti
Ca stanchi semu, e vulemu canciari vita e sorti